«Ы. Алтынсарин төсбелгісінің» иегері

«Ұстазды алтын діңгекке балар едім» – деп, ұлы ағартушы Ы.Алтынсарин айтқандай, ұстаздық – тарихтағы ең ұлы істің бірі. Шындығында, мұғалім ісі сырттай қарапайым болғанымен, ұлағатты ұстаз мәртебесі кез келгеннің маңдайына бұйыра бермейтін бақ. Бауыржан Момышұлының «Ұстаздық – ұлы құрмет. Себебі ұрпақты ұстаз тәрбиелейді. Болашақтың басшысын да, данасын да, ғалымын да, еңбекқор егіншісін де,кеншісін де ұстаз өсіреді» деген сөздерінің жаны бар, барлығы да мұғалімнің берген сарқылмас білімі мен баға жетпес тәрбиесінен бастау алады.
Бүгін мектебіміздің қазақ тілі мен әдебиеті пәні мұғалімі, филология ғылымдарының магистрі, педагог-шебер біздің сүйікті де, білімді де ұстазымыз -Зәкариянова Сандуғаш Зарыққанқызы «Ы. Алтынсарин төсбелгісінің» иегері атанды. Төсбелгіні Түрксіб аудандық білім бөлімінің басшысы Жылкишина Ж. Қ. арнайы келіп табыстады.