Мектеп кітапханасында жалпы оқырман қауымға 16 желтоқсан Тәуелсіздік күніне орай «Тәуелсіздік - тұғырым» атты кітап көрмесі ұйымдастырылды. Іс-шараның негізгі мақсаты ата-бабамыздың тәуелсіздік жолындағы ерлігін үлгі етіп, Тәуелсіздік алғаннан кейінгі Қазақстанның дербес мемлекет ретінде қалыптасу тарихына шолу жасау, – Тәуелсіздік күнінің маңызын, еліміздің бүгіні мен болашағын терең тарихымызбен байланыстыра отырып насихаттау.

08.12.2025 ж. Мектеп кітапханасында қазақ халқының көрнекті ағартушысы, қоғам қайраткері, ақын, жазушы Міржақып Дулатовтың туғанына 140 жыл толуына арналған әдеби кеш өтті. «Ұлт руханиятының шамшырағы» атты кітап көрмесі ұйымдастырылды. Іс-шара барысында 6 «Ә» сынып оқушылары М. Дулатовтың өмір жолы мен шығармашылық мұрасымен танысып, оның қазақ халқының азаттығы жолындағы күресі мен ағартушылық қызметінің маңызы туралы терең мағлұмат алды. Оқушылар ақынның өлеңдерін мәнерлеп жатқа айтты.

«Балалар кітапханасы» жобасы аясында оқушыларды кітап оқуға насихаттау үшін «Мен оқыған бір кітап» атты библио-кросс акциясы өтті. Атауы танымал авторлардың поэзия, проза, драматургия, балалар әдебиеті оқуға беріліп, 15 үздік шығарма іріктелді. Аталған акцияның мақсаты қазақ әдебиетін кеңінен насихаттап, әрбір тұлғаның кітап оқуға деген қызығушылығын арттыру, оқушылардың кітапқа деген ерекше көзқарасын қалыптастыру.

74 ЖББ мектеп кітапханасында қазақ балалар әдебиетінің негізін салушы, жазушы Сапарғали Бегалиннің туғанына 130 жыл толуына орай «Балалар әдебиетінің бағдары» атты кітап көрмесі ұйымдастырылып, ауызша журнал өткізілді. 10 «А» сынып оқушысы Жорахан Назым жазушының «Көксегеннің көргендері» атты кітабы туралы толық мәлімет берілген бейнетаспа көрсетіліп, оқырмандарға осы кітапты алып оқуға кеңес берілді.

Мектеп кітапханасында "Теңге күніне" орай кітап көрме ұйымдастырылды. Іс-шара барысында оқушылар теңгенің шығу тарихы, ұлттық валюта туралы қызықты мағлұматтармен танысты. Сонымен қатар, бастауыш сынып оқушылары ұлттық теңгеге арналған тақпақтарын мәнерлеп оқып, көрменің мазмұнымен танысты. Бұл іс-шара балалардың отансүйгіштік қасиетін дамытуға, ұлттық құндылықтарды құрметтеуге және қаржылық сауаттылыққа баулуға бағытталды.

20 қараша күні мектеп кітапханасында «Шоқан Уәлиханов-ұлт руханиатының шамшырағы» атты кітап көрме ұйымдастырылып 7–11 сынып оқушыларының қатысуымен ұлы ғалым, этнограф, саяхатшы Шоқан Уәлиханов туралы дөңгелек үстел өткізілді. Шара барысында оқушылар ғалымның өмір жолы, ғылым мен мәдениетке қосқан үлесі жайлы презентациялар жасап, өзара пікір алмасты. Сонымен қатар жазушы С. Бегалиннің «Шоқан асулары» атты тарихи-танымдық кітабын оқыған оқушылар үзінділер оқып, өз ой-пікірлерімен бөлісті.

2025 жылдың 22 қыркүйек күні Қала күніне орай мектебіміздің кітапханасында "Алтын бесік — Алматы" атты кітап көрмесі ұйымдастырылды. Мақсаты: Оқушыларға Алматы қаласының тарихы, мәдениеті, көрікті жерлері және тұлғалары туралы мағлұмат беру, отансүйгіштікке тәрбиелеу. Көрмеге Алматы жайлы тарихи-танымдық әдебиеттер, фотоальбомдар, ақын-жазушылардың шығармалары, қаланың даму кезеңдеріне байланысты материалдар қойылды. Оқушылар көрмеден ақпарат алып, кітаптармен танысып, қала туралы қызықты

№74 ЖББ мектеп кітапханасында ақиық ақын Жұбан Молдағалиевтың туғанына 105 жыл толуына орай «Ұлтын жырлаған ұлы ақын» атты кітап сөресі ұйымдастырылды.

Қазақстан Республикасының Конституциясына – 30 жыл! Осы мерейлі күнге орай мектеп кітапханасында «Ата Заң – ардақ тұтар айбынымыз» атты тақырыптық кітап сөресі ұйымдастырылды. 📚