Алматы техникалық колледжінде ашық есік күні өткізілді.

Алматы техникалық колледжінде ашық есік күні өткізілді. Аталған шараға қала мектептерінің 9-сынып оқушылары қатысып, оқу орнының тыныс-тіршілігімен жақын танысу мүмкіндігіне ие болды. Іс-шараның негізгі мақсаты – оқушыларға мамандық таңдауда бағыт-бағдар беру, колледждің білім беру бағдарламалары туралы жан-жақты ақпарат ұсыну және техникалық мамандықтарға қызығушылықтарын арттыру болды.

Ашық есік күні барысында колледж әкімшілігі мен оқытушылар құрамы қатысушыларды жылы қарсы алып, оқу үдерісі, мамандықтар тізімі, материалдық-техникалық база және студенттердің жетістіктері туралы кеңінен таныстырды. Оқушылар арнайы жабдықталған зертханалар мен шеберханаларды аралап, заманауи құрал-жабдықтардың жұмыс істеу ерекшеліктерін көрді. Сонымен қатар, өндірістік оқыту шеберлері мен студенттер түрлі шеберлік сабақтарын өткізіп, өз тәжірибелерімен бөлісті.

Шара барысында оқушылар өздерін қызықтырған сұрақтарын қойып, болашақ мамандықтары туралы нақты мәлімет алды. Колледж студенттерінің қатысуымен ұйымдастырылған таныстырылымдар мен көрмелер де жасөспірімдердің қызығушылығын арттырды.

Ашық есік күні жоғары деңгейде ұйымдастырылып, оқушыларға үлкен әсер қалдырды. Мұндай іс-шаралар жастардың саналы түрде мамандық таңдауына ықпал етіп, олардың болашаққа деген сенімін нығайта түсетіні сөзсіз.