«Әл-Фараби атындағы Қазақ ұлттық университетінде» ұйымдастырылған жоғары оқу орындары жәрмеңкесі.

«Әл-Фараби атындағы Қазақ ұлттық университетінде» ұйымдастырылған жоғары оқу орындары жәрмеңкесіне 10-сынып оқушылары барып қайтты. Аталған іс-шараның негізгі мақсаты – оқушыларға еліміздің жетекші жоғары оқу орындары туралы толық ақпарат беру, мамандықтармен таныстыру және болашақ кәсіби бағытын дұрыс таңдауға бағыт-бағдар беру болды.

Жәрмеңке барысында оқушылар түрлі жоғары оқу орындарының өкілдерімен кездесіп, оқу бағдарламалары, қабылдау талаптары, грант мүмкіндіктері және студенттік өмір туралы жан-жақты мәлімет алды. Әр университет өздерінің білім беру бағыттарын таныстырып, заманауи мамандықтар мен еңбек нарығында сұранысқа ие салалар жөнінде ақпарат ұсынды.

Іс-шара аясында оқушыларға арнайы таныстырылымдар көрсетіліп, буклеттер мен ақпараттық материалдар таратылды. Сонымен қатар, олар өздерін қызықтырған сұрақтарын қойып, нақты жауаптар алды. Бұл өз кезегінде оқушылардың кәсіби бағдарын айқындауға және саналы түрде мамандық таңдауына мүмкіндік берді.

Жәрмеңке жоғары деңгейде ұйымдастырылып, оқушылар үшін өте пайдалы әрі мазмұнды өтті. Мұндай іс-шаралар жас түлектердің болашаққа деген сенімін арттырып, олардың жеке қызығушылықтары мен қабілеттеріне сай мамандық таңдауға зор ықпал етеді.