"Халықаралық туризмнің менеджмент колледжі" кәсіби бағдар беру жұмыстарын жүргізді

Бүгін мектебімізге Халықаралық туризмнің менеджмент колледжінің өкілдері келіп, 9-сынып оқушыларына кәсіби бағдар беру жұмыстарын жүргізді. Кездесу барысында оқушыларға колледждің қызметі, оқу бағыттары, туризм саласындағы мамандықтар және болашақта жұмысқа орналасу мүмкіндіктері туралы кеңінен ақпарат берілді.

Колледж өкілдері мамандық таңдауда қызығушылық пен қабілеттің маңыздылығын атап өтіп, оқушыларды өз болашағын саналы түрде жоспарлауға шақырды. Сонымен қатар, оқу үдерісі, тәжірибеден өту мүмкіндіктері және студенттердің жетістіктері туралы да мәліметтер айтылды.