"Абай атындағы Қазақ ұлттық педагогикалық" университеті ұйымдастырған ашық есік күні

Бүгін 10-сынып оқушылары "Абай атындағы Қазақ ұлттық педагогикалық" университеті ұйымдастырған ашық есік күніне барды. Бұл іс-шараның негізгі мақсаты – мектеп оқушыларына болашақ мамандықтарын дұрыс таңдауға бағыт-бағдар беру және университет өмірімен жақынырақ таныстыру болып табылады.

Ашық есік күні барысында оқушылар университеттің тарихы мен білім беру бағдарламалары туралы толық мәлімет алды. Университет еліміздегі ең алғашқы жоғары оқу орындарының бірі болып саналады және педагог кадрларды даярлауда үлкен рөл атқарады .

Іс-шара аясында оқушылар әртүрлі факультеттермен танысып, мамандықтар жайлы ақпарат алды. Сонымен қатар, оқытушылармен және студенттермен кездесіп, өздерін қызықтырған сұрақтарға жауап алды. Университет ішінде экскурсия ұйымдастырылып, оқу аудиториялары мен зертханалар көрсетілді. Мұндай таныстыру жұмыстары оқушылардың болашаққа деген көзқарасын қалыптастыруға ықпал етеді.
Қорытындылай келе, ашық есік күні оқушылар үшін өте пайдалы әрі қызықты өтті. Олар жаңа білім алып, өз болашақ мамандығын таңдауға үлкен мотивация алды.